इटहरी । सुनसरीको इटहरीमा पाठपरायण सहितको जीवनदर्शन ज्ञान चर्तुमास सत्सग कार्यक्रम सुरु भएको छ ।

आध्यात्मिक चिन्तन ,व्यक्तित्व विकास र सामुदायिक सेवालाई प्राथमिकतामा राखेर संत्सग कार्यक्रम सञ्चालन गर्दै आएको त्रिनेत्र अध्यात्म चिन्तन केन्द्र कोशी प्रदेशको आयोजनामा पाठपरायण सहितको जीवनदर्शन ज्ञान चर्तुमास सत्सग कार्यक्रम सुरु भएको हो ।

हरिशयनी एकादशी देखि हरिवोधनी एकादशी सम्म चर्तुमासको अवधिमा आध्यात्मिक जागरण ,व्यक्तित्व विकास सहित १०८ शिव लिगं स्थापनाका लागि जीवनदर्शन ज्ञान चर्तुमास सत्संग आयोजना गरिएको वताइएको छ ।

आयोजक संस्थाकी अध्यक्ष सुभद्रा प्याकुरेलले भनिन् गत वैशाख महिनामा त्रिनेत्र अध्यात्म चिन्तन केन्द्र कोशी प्रदेशको गठन भएको थियो । तद् पश्चात् त्रिनेत्र अध्यात्म चिन्तन केन्द्र कोशी प्रदेशले आध्यामित्क ज्ञानका लागि सत्संग गर्दै आएको छ ,र अहिले भागवत पुराण सहितको चर्तुमास सत्संग कार्यक्रमको आयोजना गरेको हो , १०८ शिव लिगं स्थापना गर्न जग्गा खरिद सहयोग पुगोस् भनेर समेत आध्यात्मिक कार्यक्रम सहित पुराणको आयोजना गरिनेछ ।

कार्यक्रमको अवसरमा ख्याति प्राप्त धार्मिक गुरुहरुले प्रवचन गर्ने जानकारी गराइयो । त्रिनेत्र अध्यात्मिक केन्द्रले सबैलाई एउटै मालामा गाँस्न खोजेको भन्दै पण्डित रमेश कोईरालाले भने ।

चर्तुमास कार्यक्रमका अवसरमा प्राप्त हुने अन्न तथा कपडाहरु मायाघर नेपालका आश्रितहरुलाई प्रदान गरिनेछ । चार महिना सम्म सञ्चालन हुने जीवनदर्शन ज्ञान चर्तुमास संत्सग कार्यक्रमको उत्घाटन हिजो आइतवार सामाजिक व्यक्तित्व लेखनाथ घिमीरेको प्रमुख आतिथ्यमा सुरु भएको थियो ।

आयोजकले दिएको जानकारी अनुसार ,चार महिना सम्म सञ्चालन हुने कार्यक्रममा विभिन्न सामाजिक गतिविधि समेत सञ्चालन गरिने छ ।