इटहरी । पुर्वकी चर्चित लोक गायिका गंगा गौतम आचार्यले आफनो जन्मदिनको अवसर पारेर इटहरीमा रहेको मायाघर नेपालमा आश्रितहरुलाई खाना खुवाएकी छन ।

जन्मदिनका अवसरमा अन्य फजुल खर्च गरेर मनाउनु भन्दा मायाघरमा आश्रय लिएर वसेकाहरुलाई एक छाक भएपनि खाना खुवाएर मनाउनु पुन्यकार्य हुने महशुस गरेर आफुले मायाघरमा जन्मदिन मनाएको गायिका गौतमले वताइन ।

विभिन्न कारणले सडकमा जीवन विताउन वाध्य भएकाहरुलाई उद्धार गरेर आश्रय दिदै आएको मायाघर नेपालमा रहेकाहरुलाई आफनो जन्मदिन विवाह वर्षगाठ लगायत विभिन्न चाडपर्वको अवसर पारेर खाना खुवाइनेहरु दिनप्रतिदिन वढी रहेका छन । 

यही क्रममा गायिका गौतमले समेत आफनो जन्मदिन मायाघरमा मनाएकी छन ।

मायाघर नेपालमा आयोजना गरिएको जन्मदिन कार्यक्रमको प्रमुख अतिथी हरिनगर गाउँपालिका सुनसरीका अध्यक्ष गफार मिया अन्सारी रहेका थिए ।
सो अवसरमा प्रमुख अतिथी अन्सारीले सामाजिक कार्यमा समाजका गहना कलाकारको सहभागिताले अरुलाई समेत पेरणा मिल्ने वताए ।
त्यसै गरी मायाघर यस्तै सहयोगी तथा दाताहरुको सहयोगले सञ्चालन हुदै आएको जानकारी गराइन ।
कार्यक्रममा मायाघर नेपालकी अध्यक्ष सुभद्रा प्याकुरेल , समाजसेवी शिव डागी, नवराज वास्तोला , गिता आचार्य , राजु गौतम लगायतको सहभागिता रहेको थियो ।