रामधुनी । सेभ द अर्थ सुनसरीको आयोजनामा भएको दुई दिने सहकारी अनुगमन तथा व्यवस्थापन सम्बन्धि तालिम सम्पन्न भएको छ ।
तलिममा सहकारी डिभिजन कार्यालय, सुनसरीका प्रमुख सहजकर्ता अभिनारायण भट्टराईले समाजिक परिचालकहरूलाई सहकारीको व्यवस्थापन, अनुगमन प्रणाली र प्रभावकारी र सहकार्यका पक्षहरूमा प्रशिक्षण प्रदान गरेका थि
सेभ द अर्थको सभाहलमा सञ्चालन गरिएको तालिम जेठ ३० गते र ३१ गते सम्म संचालन भएको तालिम इटिसि नेपालको आर्थिक तथा प्राविधिक सहयोगमा भएको तालिममा सस्थाका पदाधिकारी तथा विभिन्न सस्थाका प्रतिनिधीहरु गरि १५ जनाको सहभागीता रहेको थियो ।
कार्यक्रममा समाजिक परिचालकहरूलाई सहकारी अनुगमन र व्यवस्थापन सम्बन्धी सशक्त जानकारी दिनुका साथै महिला तथा सहकारीहरूलाई सुदृढ र दिगो बनाउने, सहकार्य र साझेदारीको सम्बन्ध बलियो बनाउन सहयोग पुगेको सेभ द अर्थ सुनसरीका अध्यक्ष पुष्प भट्टराईले जानकारी दिए ।

समापन कार्यक्रममा बोल्दै सहभागीहरुले दुई दिने सहकारी अनुगमन तथा व्यवस्थापन सम्बन्धि तालिमले आफूलाई धेरै उपयोगी ज्ञान प्राप्त भएको बताएका छन् ।
उनीहरूले सहकारी संस्थाहरूको प्रभावकारी अनुगमन र व्यवस्थापनका लागि आवश्यक सीप र उपायहरूको बारेमा जानकारी पाएको बताए ।
व्यवस्थापनका नयां तरिकाहरू सिक्न पाउँदा उनीहरू उत्साहित भएका थिए।