गृहमन्त्री बालकृष्ण खाणले एमसीसीको पक्षमा बोलिदिन उपभोक्ता अधिकारकर्मीलाई आग्रह गरेका छन । खाणले उपभोक्ता हितकै लागि सरकारले एमसीसी संसदबाट पारित गराएकाले पक्षमा बोलिदिन उपभोक्ता अधिकारकर्मीलाई आग्रह गरेका हुन । विश्व उपभोक्ता अधिकार दिवसको अवसरमा मंगलबार काठमाडौंमा आयोजित कार्यक्रममा उनले एमसीसीको सहयोग मार्फत घरघरमा विजुली पु¥याउने कामलाई राष्ट्रघात भन्नु गलत भएको बताए ।

संसदको उद्योग तथा वाणिज्य र श्रम तथा उपभोक्ता हित समितिका सभापति विमलप्रसाद श्रीवास्तवले खाने तेल, चिनीलगायतका दैनिक उपभोग्य बस्तुमा उच्च मूल्यवृद्धि हुँदा पनि उपभोक्ता अधिकारकर्मीहरु चुप लागेर बसेको आरोप लगाए ।उनले व्यापारीहरुले तेस्रो मुलुकबाट आयात गरेर ल्याएको खाने तेलको छानबिन गर्नु पर्ने समेत बताए ।