प्रख्यात भारतीय गायिका लता मंगेशकरको मृत्यु भएको छ । मंगेशकरको ९२ बर्षको उमेरमा मुम्बईस्थित ब्रिच क्यान्डी अस्पतालमा मृत्यु भएको हो । कोरोना संक्रमित भएपछि उनी जनवरी नौमा अस्पताल भर्ना भएकी थिइन । कोरोनाका कारण उनलाई निमोनिया भएको थियो ।

भारतीय प्रधानमन्त्री नरेन्द्र मोदी लगायत चलचित्र र संगित क्षेत्रका व्यक्तिहरुले उनको निधनमा दु्ःख व्यक्त गरेका छन । लताको निधनको शोकमा भारतमा दुई दिन राष्ट्रिय शोकको घोषणा गरिएको छ । लताको राजकीय सम्मानका साथ अन्त्येष्टि गरिने तयारी छ । लता मंगेशकरलाई भारत कि नाइटिंगेलको रुपमा समेत चिनिने गरिन्छ ।

उनी १३ वर्षको उमेरमा गायनमा प्रवेश गरेकी थिइन् । उनले सन् १९४२ मा आफ्नो पहिलो गीत रेकर्ड गरेकी थिइन । सात दशक लामो आफ्नो करियरमा उनले नेपाली सहित विभिन्न भाषामा ३० हजार भन्दा धेरै गीत गाएकी छिन । उनका ’एक प्यार का नगमा है’, ’राम तेरी गंगा मैली’, ’एक राधा एक मीरा’ र ’दीदी तेरा देवर दीवाना’ जस्ता गीत सर्वाधिक लोकप्रिय छन । उनले गायनका लागि सन् १९६९ पद्मभूषण पाएकी थिइन् ।