अमेरिकाको फ्लोरिडामा एक ब्यक्तिले गोली प्रहार गरी चार जनाको हत्या गरेका छन् । ब्यस्त बजारमा बुलेट प्रुफ ज्याकेट लगाएका ब्रायन रिले नामका ३३ बर्षीय युवकले एक महिला र उनको तीन महिनाको शिशु तथा अन्य दुइ जनाको हत्या गरेको हो ।

आक्रमणमा एघार बर्षीया बालिका गम्भिर घाइते भएकी छिन । गोली प्रहार लगत्तै सुरक्षाकर्मीले प्रतिकार गर्दा ती आक्रमणकारी युवकले आत्मसमर्पण गरेका छन् । गोली प्रहार गर्ने व्यक्ति इराक र अफगानिस्तानमा शार्प सुटरका रुपमा काम गरिसकेको मानिस भएको प्रहरीले जनाएको छ । पछिल्लो समय उनी मानसिक रोगबाट ग्रस्त भएको बताइएको छ । घटनावारे थप अनुसन्धान भैरहेको फ्लोरिडा प्रहरीले जनाएको छ ।