सशस्त्र प्रहरी बल नेपालले कञ्चनपुरबाट ४ लाख मूल्य बराबरको रुद्राक्षका माला बरामद गरेको छ । नेपालबाट अवैध रूपमा भन्सार छली भारततर्फ लैजाने तयारीमा राखिएको २ सय किलोग्राम तौल भएका १ हजार ८ सय ६० वटा रुद्राक्षका माला बरामद गरिएको सशस्त्र प्रहरीले जनाएको छ ।

सशस्त्र प्रहरी बल नेपाल बोर्डर आउट पोष्ट डोकेबजारबाट शुक्रबार सशस्त्र प्रहरी सहायक निरीक्षक बनबिचारी मल्लको कमाण्डमा खटिएको सीमा गस्ती टोलीले डोकेबजार सीमा इलाकामा बेवारिसे अवस्थामा भेटिएको रुद्राक्षका माला बरामद गरेको हो ।

बरामद गरिएको रुद्राक्षका माला आवश्यक कानुनी कारबाहीको लागि त्रिनगर भन्सार कार्यालयमा बुझाइएको सशस्त्र प्रहरी बल नेपाल नम्बर ३५ गण हेडक्वार्टर शैलेश्वरी कञ्चनपुरका प्रमुख, सशस्त्र प्रहरी उपरीक्षक वीरेन्द्र बहादुर ऐरले जानकारी दिए ।