अफगान प्रहरीका प्रान्तीय प्रमुख जनरल हाजी मुल्ला अचाकजाईको हत्या गरिएको छ । हालै अफगानिस्तानको सत्ता कब्जा गरेका तालिबान विद्रोहीले बाद्गिस प्रान्तका प्रहरी प्रमुख हाजी मुल्लाको हत्या गरेका हुन् ।

उनलाई तालिबानले प्रान्तीय राजधानी कब्जा गरेकै दिन नियन्त्रणमा लिएका थिए । ताबिलानले नियन्त्रणमा लिएलगत्तै हाजी मुल्लालाई तुर्कमेनिस्तानको सीमा नजिक बन्दी बनाएको हुनसक्ने भिएको छ । हाजी मुल्लाको हत्या गरिएको भिडियो तालिबानसम्बन्धी जानकारी प्रवाह गर्ने एउटा नेटवर्कमार्फत सार्वजनिक गरिएको छ ।

हत्या गर्नुअघि हाजी मुल्लालाई हात बाँधिएको, आँखामा पट्टी लगाइएको तथा घुँडा मारेर बस्न लगाइएको देखिएको छ । उनका पछाडि दुईजना मानिसले आपसमा कुराकानी गरेको पनि भिडियोमा सुनिएको छ । तालिबान नेतृत्वले पुरानो सरकारका मानिसविरुद्ध प्रतिशोध नलिने भन्दै आश्वस्त गराएको भए पनि धमाधम हत्या गरिरहेका छन् ।

हाजी मुल्लालाई धेरैपटक गोली हानेको उनको मृत शरीरमा देखिएको छ । हाजी मुल्ला अफगान गुप्तचरका कहलिएका अधिकारी रहेको तथा उनी लामो समयदेखि तालिबानविरुद्ध सक्रिय रहँदै आएकाले उनी तालिबनको निशानामा परेको आशंका गरिएको छ ।