बेलायतमा समान पेन्सनको माग गर्दै आमरण अनसनमा बसिरहेका भूतपूर्व गोर्खा सैनिकले वार्ता गर्न बेलायती रक्षामन्त्री बेन वालेसले राखेको प्रस्ताव अस्वीकार गरेका छन् । गोर्खा सत्याग्रह संघर्ष समितिका अभियन्ताहरु ११औं दिन आमरण अनसन बसिरहदा मन्त्री वालेसले मागबारे छलफल गर्न चाहेको भन्दै समितिलाई ईमेल पठाएका थिए ।

तर उनीहरुले रक्षामन्त्रीले राखेको प्रस्तावलाई अस्वीकार गरेका छन । उनीहरुले बेलायत, नेपाल सरकार र गोर्खा प्रतिनिधि सम्मिलित उच्च स्तरिय वार्ता कमिटी गठन नभए सम्म बार्ता नगर्ने अडान लिएका छन । दुई देशबीच वार्ताको मिति तोक्न र वार्तामा सहभागि हुने नेपाली टोलीमा गोर्खाका प्रतिनिधि पनि सामेल गराउन समेत उनीहरुको माग छ ।