अमेरिकाले २४ जना रुसी कुटनीतिज्ञलाई मुलुक छाड्न आदेश दिएको छ । उनीहरुलाई सेप्टेम्बरमा प्रवेशाज्ञाको अवधि सकिनुअगाडि नै अमेरिका छाड्न ह्वाइट हाउसले आदेश दिएको रुसी दुतावासले जनाएको हो । अमेरिकाका लागि रुसी राजदुत एन्टोली एन्टोनोभले २४ जना रुसी कुटनीतिज्ञको सूचीसमेत आदेशपत्र पठाइएको जनाएका छन् ।

यसैबीच राजदुत एन्टोलीले अमेरिकाले सूचीमा समेटेका २४ रुसी कुटनीतिज्ञले तोकिएकै समयमा अमेरिका छाडिसक्ने प्रष्ट पारेका छन् । उनले ती २४ जना रुसी कुटनीतिज्ञको स्थानमा अरु कुटनीतिज्ञलाई तत्काल रुसले नखटाउने पनि बताए । अमेरिकाले प्रवेशाज्ञा दिन निकै कडाइ गरेका कारण रुसले थप कुटनीतिज्ञलाई अहिले नै अमेरिका नपठाउने भएको जानकारी राजदुत एन्टोलीले दिएका छन् ।