कोरोना नियन्त्रण र रोकथामका लागि भन्दै लामो समयदेखि विभिन्न किसिमको कानुनी प्रतिबन्ध लगाइएको बेलायतमा आजबाट प्रतिबन्धहरु हटाइएको छ । बेलायतमा पछिल्लो केही दिन यता दैनिक ५० हजारभन्दा बढी कोरोना संक्रमित भेटिरहेको अवस्थामा प्रतिबन्ध फुकुवा गरेर बेलायत सरकारले ठुलै जोखिम लिएको विज्ञहरुले बताएका छन ।

प्रधानमन्त्री बोरिस जोन्सनले पनि जोखिम कायमै रहेकोले सतर्कता अपनाउन आग्रह गरेका छन । यसैबीच स्वास्थ्य मन्त्रीमा कोरोना संक्रमण देखिएको र प्रधानमन्त्री जोन्सन पनि उनको सम्पर्कमा रहेकोले अहिले दुवैजना आइसोलेसनमा रहेको जनाइएको छ । यता, मास्क र सामाजिक दुरी संबन्धि प्रतिबन्धहरु हटेपछि आम नागरिक उत्साही बनेका छन ।