चीनले आफ्नो परमाणु गतिविधिबारे नेटोले लगाएको आरोपको प्रतिवाद गरेको छ । आफ्नो शान्तिपूर्ण विकासलाई लिएर नेटोले अपमान गरेको भन्दै चीनले अतिरञ्जना नगर्न चेतावनी समेत दिएको छ । चीनले आफ्नो रक्षा नीति प्रतिरक्षात्मक स्वरुपको रहेको भन्दै नेटोलाई आप्mनो शक्ति संवाद प्रवद्र्धनका लागि प्रयोग गर्न आग्रह समेत गरेको छ ।

ब्रसेल्समा भएको नेटोका नेताहको बैठकले चीनको गतिविधिलाई लिएर चिन्ता व्यक्त गरेका थिए । उनीहरुले चीनले तीव्र गतिमा परमाणु क्षमता बिस्तार गरिरहेको र आफ्ना सैनिकको आधुनिकिकरणका सम्बन्धमा अपारदर्शी रहेको आरोप लगाएका थिए । चीनले रुसी सैनिकसँग सहकार्य गरेको आरोप पनि नेटोले लगाएको छ ।

नेटोका जेन्स स्टोलटेनबर्गले चीन सैन्य तथा प्राविधिक शर्तहरुमा नेटो नजिक आएको भन्दै चेतावनी दिएका छन् । तर नेटो चीनसँग नयाँ शित युद्धको पक्षमा नरहेको बताए । नेटो युरोप र उत्तर अमेरिकाका ३० शक्तिशाली देशहरुबिचको सैन्य तथा राजनीतिक सहकार्यको संगठन हो ।