भारतमा कोभिड–१९ बाट एकदिनमा अहिलेसम्मकै धेरै मानिसको मृत्यु भएको छ । पछिल्लो २४ घण्टामा भारतमा ४ हजार ५ सय २९ जनाको मृत्यु भएको त्यहाँको स्वास्थ्य मन्त्रालयले जनाएको छ । यो भारतमा एक दिनमा मृत्यु भएको अहिलेसम्मकै सबैभन्दा उच्च संख्या हो ।

यसअघि भारतमा एक साता अघि ४ हजार ३ सय मानिसको एकैदिनमा कोभिडका कारण मृत्यु भएको थियो । यसका साथै सोही समयमा २ लाख ६७ हजार मानिसमा संक्रमण देखिएको छ । भारतमा अहिलेसम्म २ करोड ५० लाख मानिसमा कोभिड संक्रमण भइसकेको छ । १२ मे पछि भारतमा कोभिडबाट मृत्यु हुनेको संख्या ४ हजार माथि भएको यो सातौंपटक हो । सोमबारबाट कोभिडको नयाँ संक्रमितको संख्या पनि तीन लाख भन्दा कम रहेको छ ।