कोरोना भाइरसको संक्रमण नियन्त्रण बाहिर जान थालेपछि भारतको बिहारमा लकडाउन लागू गरिएको छ । बिहार सरकारले मे १५ सम्म लकडाउन गर्ने निर्णय गरेको हो । लकडाउनको अवधिमा सरकारी तथा निजी सबै कार्यालयहरु बन्द रहनेछन् ।

अत्यावश्यक सेवासँग सम्बन्धित कार्यालयहरु मात्रै खोल्न पाइने छ । रेष्टुरेन्टले विहान ९ बजेदेखि राति ९ बजेसम्म होम डेलिभरी सेवा सञ्चालन गर्न दिने विहार सरकारले जनाएको छ । यस्तै विवाहमा ५० जनाभन्दा बढी सहभागी हुन पाउने छैनन् । अन्तिम संस्कारमा २० जना सहभागी हुन पाउने छन् । बिहारका मुख्यमन्त्री नीतीश कुमारले मंगलबार सामाजिक सञ्जालमार्फत लकडाउनको जानकारी गराएका छन् । यसअघि भारतका महाराष्ट्र, राजस्थान, दिल्ली, उत्तर प्रदेश, हरियाणा, गोवा, कर्नाटक र झारखण्डमा लकडाउन लगाइएको छ ।