गुजरात पुलिसले शनिबार नक्कली रेम्डेसिभिर औषधि बनाउँने गिरोहका ७ जनालाई पक्राउ गरेको छ । उनीहरुलाई मोरबी, अहमदावाद र सुरतबाट पक्राउ गरिएको हो । प्रहरीले उनीहरुको साथबाट ६० हजार थान खाली सिसी, ३० हजार सिसी नक्कली स्टिकर र ९० लाख नगद रुपैयाँ पनि बरामद गरेको छ । नक्कली रेम्डेसिभिर बिक्री गरेर उनीहरुले उक्त रुपैयाँ जम्मा गरेका थिए ।

भारतमा कोरोनाका बिरामीका लागि प्रयोग हुने रेम्डेसिभिरको अभावको मौका पारी उनीहरुले नक्कली औषधि निर्माण गरिरहेका थिए । मोरबी प्रहरीले ती मध्ये दुई जनालाई कालोबजारीमा नक्कली औषधि बेच्दाबेच्दै पक्राउ गरेको थियो । उच्च मुल्यमा उनीहरुले उक्त औषधिको कालो बजारी गरिरहेका थिए । उनीहरुका साथबाट ४१ नक्कली इन्जेक्सन र २ लाख रुपैयाँ समेत प्रहरीले बरामद गरेको छ ।