नेकपा(एमाले)का नेता भिम रावलले अध्यक्ष केपी शर्मा ओलीको स्वेच्छाचारी र पार्टी विधान विपरितका क्रियाकलाप बन्द नभएसम्म आफुहरुको अभियान बन्द नहुने बताएका छन् । बुधबार नेकपा(एमाले) माधव समुहका नेताहरुको छलफल पछि संक्षिप्त प्रतिक्रिया दिदैँ नेता रावलले अध्यक्ष ओलीले सर्वोच्च अदालतको फैसला र पार्टीको विधान विपरित गरेको गतिविधि नरोकेसम्म देशव्यापी रुपमा अभियान जारी रहने बताएका हुन् ।

नेता रावलले कोरोना संक्रमण नियन्त्रणका लागि सरकारले प्रभावकारी काम गर्न नसकेको आरोप समेत लगाए । नेता रावलले आफुहरुलाई अध्यक्ष ओलीले कानुन अनुसार कारबाही गर्न नसक्ने दाबी समेत गरे ।