नेपालमा पहिलो पटक हुन लागेको फ्रेन्चाइज फुटबल नेपाल सुपर लिग एनएसएल शनिबारदेखि दशरथ रंगशालामा सुरु हुदैछ । लिगको विजेताले ३५ लाख नगद पुरस्कार प्राप्त गर्नेछ ।

एनएसलल सुरु हुने एकदिन अगाडि आयोजक नेपाल स्पोर्टस म्यानेजमेन्टले पुरस्कार राशि घोषणा गरेको हो । दोस्रो हुने टिमले भने १५ लाख प्राप्त गर्नेछ । व्यक्तिगत विधातर्फको उत्कृष्ट खेलाडीले एक एक लाख प्राप्त गर्नेछन । लिगको उत्कृष्ट युवा खेलाडीलाई पनि एक लाख पुरस्कार दिइनेछ । प्रत्येक म्याचको म्यान अफ दि म्याचलाई २५ हजार र उत्कृष्ट युवा खेलाडीलाई दश हजार दिइने आयोजकले जनाएको छ ।

फ्रेन्चापज अवधारणामा पहिलो पटक हुन लागेको यो लिगमा कुल सात टिमको सहभागिता रहनेछ । विराटनगर सिटी फुटबल क्लब, काठमाडौं रेजर्स, ललितपुर सिटी फुटबल क्लब, पोखरा थन्डर्स, एफसी चितवन, धनगढी एफसी र लुम्बिनी एफसीले लिगमा प्रतिस्पर्धा गर्नेछन । भोलि हुने उदघाटन खेलमा काठमाडौं रेजर्स र ललितपुर सिटी फुटबल क्लब भीड्नेछन् । लिग अगाडिको प्रि म्याच कन्फरेन्समा सबै टिमका कप्तान तथा प्रशिक्षकले तयारी राम्रो भएको बताएका छन् ।।