भारतमा कोरोना भाइरसको महामारी थप भयावह बन्दै गएको छ । पछिल्लो २४ घन्टामा त्यहाँ ३ लाख ३३ हजार नयाँ संक्रमित थपिएका छन । कोरोना संक्रमितको संख्या बढेसँगै भारतको नयाँ दिल्लीस्थित अस्पतालहरु विरामीलाई सेवा दिनै नसक्ने अवस्थामा पुग्दैछन् ।

दिल्लीका ६ वटा अस्पतालमा संक्रमितको उपचारमा अत्यावश्यक अक्सिजन सकिएको छ । मानिसहरु अक्सिजनको प्रतिक्षा गर्दागर्दै मृत्युको मुखमा पुगिरहेका छन् । चिकित्सकहरुले अन्य अस्पतालहरुमा केही घण्टाका लागि मात्रै अक्सिजनको मौज्दाद रहेको जनाएका छन् । दिल्लीका अस्पतालहरुमा झण्डै शतप्रतिशत बेडहरु भरिभराउ छन् ।

भारतमा एक राज्यबाट अर्र्काे राज्यमा अक्सिजनको ओसारपसारमा पनि स्थानीय अधिकारीहरुले रोक लगाउँदा अवस्था झनै नाजुक हुँदै गएको छ । दिल्ली लगाएतका केही राज्यहरुले अक्सिजनको आपूर्तिमा हुँदै आएको अवरोधलाई लिएर केन्द्र सरकारलाई हस्तक्षेपका लागि आग्रह गरे पनि कुनै सुनुवाइ हुन सकेको छैन ।