भारतमा कोरोना भाइरसको महामारी थप भयावह बन्दै गएको छ । एकै दिन भारतमा तीन लाख १४ हजारभन्दा बढीमा कोरोना संक्रमण पुष्टि भएको छ । पछिल्लो २४ घण्टामा भारतमा कोभिडका कारण २ हजार १ सय ४ जनाको मृत्यु भएको त्यहाँको स्वास्थ्य मन्त्रालयले जनाएको छ ।

भारतमा सक्रिय संक्रमितको संख्या २२ लाख ९१ हजारभन्दा बढी पुगेको बताइएको छ । भारतमा कोरोना संक्रमितको कूल संख्या एक करोड ५९ लाख नाघीसकेको छ । त्यहाँ कोरोनाका कारण एक लाख ८४ हजारभन्दा धेरैको मृत्यु भैसकेको छ ।

कोरोनाको दोस्रो लहर तीव्र रुपमा फैलिएपछि भारतका कतीपय राज्यमा लकडाउन गरिएको छ । भारत सरकारले कोरोनाविरुद्धको खोप अभियान पनि तीव्र पारेको छ । भारतपछि ब्राजिलमा पनि कोरोना संक्रमणको अवस्था विकराल बन्दै गएको छ । त्यहाँ पछिल्लो २४ तीन हजार चार सयभन्दा बढीको मृत्यु भएको छ भने ८० नयाँ संक्रमित थपिएका छन् ।