भारतमा कोरोना संक्रमण दर दिनानुदिन तिव्र रुपमा बढ्दै गएको छ । पछिल्लो २४ घण्टामा त्यहाँ २ लाख ९४ हजारभन्दा बढीमा संक्रमण पुष्टि भएको केन्द्रीय स्वास्थ्य मन्त्रालयले जनाएको छ ।

यो संख्या संक्रमण सुरु भए यता एकै दिन संक्रमित भेटिएको विश्वकै अहिलेसम्मको धेरै हो । पछिल्लो २४ घण्टामा भारतमा २ हजार २० जना संक्रमितको मृत्यु भएको छ । भारतमा कोरोना संक्रमितको कूल संख्या १ करोड ५६ हजार नाघेको छ भने संक्रमणका कारण १ लाख ८२ हजारले ज्यान गुमाइसकेका छन् ।