नेकपा एमालेका नेता माधवकुमार नेपालले कम्युनिष्ट आन्दोलनलाई नयाँ शिराबाट नयाँ उचाईमा पु¥याउन चाहेको बताएका छन् । बुधबार काठमाडौंको बुद्धनगरमा आफू निकट युवा संघ नेपालको केन्द्रीय कार्यालयको उ्द्घाटन गर्दै नेता नेपालले कम्युनिष्ट आन्दोलनलाई छिन्नभिन्न हुन नदिने र विसर्जनको ठाउँमा समेत पु¥याउन नदिने संकल्प समेत गरे । कम्युनिष्ट आन्दोलनलाई विसर्जन हुनबाट जोगाउन उनले सबैलाई एक ढिक्का हुन आग्रह समेत गरे ।

नेता नेपालले आफूहरुको विचार माक्र्सवाद र लेलिनवादबाट निर्देशित भएको र त्यही विचारको मार्गदर्शनमा अगाडि बढ्दै बहुदलीय जनवादको मूल्य र मान्यतालाई जगेर्ना गर्न चाहेको बताए । उनले आफूहरु सामाजिक न्याय सहितको आर्थिक रुपान्तरणको पक्षमा रहेको स्पष्ट पार्दै विचार, सङ्गठन, गतिशिलता, तार्किकता र व्यवहारमा उत्कृष्ट बन्न सके समाज परिवर्तन गर्न सकिने बताए ।