केही दिनदेखि बढेको वायु प्रदूषणका कारण सरकारले विद्यालय बन्द गर्ने तयारी गरेको छ । वायु प्रदूषणबाट बालबालिकालाई जोगाउनका लागि विद्यालय बन्द गर्ने बारे छलफल भइरहेको प्रधानमन्त्री केपी शर्मा ओलीले जानकारी दिएका छन् ।चीन सरकारले अनुदानमा उपलब्ध गराएको कोरोना भाइरसविरुद्धको खोप हस्तान्तरण कार्यक्रममा बोल्दै प्रधानमन्त्री ओलीले केही दिन विद्यालय बन्द गर्ने विषयमा छलफल भइरहेको जानकारी दिएका हुन् ।

प्रधानमन्त्री ओलीले भने, ‘वायु प्रदूषण बालबालिकाहरुका लागि हानिकारक छ, केही दिन विद्यालयहरु बन्द गर्ने विषयमा छलफल भइरहेको छ, चाँडै निर्णय हुन्छ ।’