नेपाल समाजबादी पार्टीका अध्यक्ष उपेन्द्र यादवले ओलीसंग कुनैहालतमा सत्ता साझेदारी नहुने प्रष्ट पार्दै सरकार सग अहिलेको छलफल भेटघाट रेसम चौधरिको रिहाई सग मात्र सम्बन्ध रहेको खुलासा गरेका छन् ।

बुटवलमा प्रेस मञ्च नेपालले आयोजना गरेको पत्रकार सम्मेलनमा उनले संविधान बिरोधी,लोकतन्त्र र संघीयता बिरोधी,प्रतिगामी कदमसंग सत्ता साझेदारी,सतिजाने वा लगनगाठो नकसिने बताएका हुन । ओली नेतृत्वको सरकार बिस्थापित गरेर प्रतिगमनको बिरुद्ध र लोकतन्त्रको पक्षमा रहेका दलहरु मिलेर नया सरकार गठन गरि निर्बाचनमा जानुपर्ने अध्यक्ष यादवको भनाइ छ ।

अध्यक्ष यादबले आफ्नो पार्टी नफुट्ने र कुनैपनि बहानामा केपि ओली र ओली प्रबृत्तिसंग साठंगाठं नहुने बताएका हुन । कांग्रेस नतातेसम्म अहिलेको समस्या समस्या समाधान हुन नसक्ने अध्यक्ष यादवको भनाइ छ । पूर्वउपप्रधानमन्त्री समेत रहेका यादबले अहिलेको सरकार पूर्ण रुपमा असफल भैसकेको दावि समेत गरे । संघीय लोकतान्त्रीक गणतन्त्र बलियो बनाउनका लागि अब नया सरकार बनाउनुपर्ने उनको भनाइ छ ।