प्रधानमन्त्री केपी शर्मा ओलीले केन्द्रले स्थानीय तहको अधिकार नखोस्ने स्पष्ट पार्नुभएको छ ।बुधबार नगरपालिका संघले काठमाडौंमा आयोजना गरेको कार्यक्रममा उहाले सवै तहको आफ्नै बिषेशता रहेको भन्दै केन्द्रले स्थानीय तहको अधिकार नखोस्ने बताउनुभएको हो । त्यस्तै उहाले केन्द्र, प्रदेश र स्थानीय सरकारबीच तालमेल मिलाएर काम गर्नुपर्ने बताउनुभयो ।

संघीयता कार्यान्वयनकै अभ्यासमा भएको भन्दै ओलीले समयक्रममा समस्या हल हुँदै जाने धारणा पनि राख्नुभयो । उहाले पुँजीगत खर्च गर्ने क्षमता स्थानीय तहमा नभएको जिकिर गर्नुभयो । उहाले नगरपालिका बीचमा राम्रा कामका लागि प्रतिस्पर्धा हुनुपर्ने पनि बताउनुभयो । प्रधानमन्त्री ओलीले कोभिड–१९ को अवधिमै स्थानीय तहको औचित्य र आवश्यकता पुष्टि भएको बताउनुभयो ।प्रधानमन्त्री ओलीले अबको ४ दिनपछि काठमाडौँमा मेलम्चीको पानी वितरण गर्ने पनि जानकारी दिनभयो ।