नेपाल दक्षिण एसिया कै सबैभन्दा खुसी मुलुकका रुपमा घोषित भएको छ । राष्ट्रसंघीय दिगो विकास परियोजनाले सार्वजनिक गरेको विवरण अनुसार दक्षिण एसियाका खुसी देशको सुचीमा ८७ औं स्थानमा पर्दै नेपाल सबैभन्दा खुसी मुलुक बनेको हो । सन् २०१९ को अध्ययन अनुसार नेपाल १ सय स्थानमा थियो । यो पटक भने नेपालले १३ औं स्थानमा फड्को मारेर ८७ औं स्थानमा उक्लिएको हो ।

परियोजनाले सन् २०२१ को खुसी देशको सुची सार्वजनिक गरेको छ । यसमा नेपालले ५।२६९ स्कोर पाएको छ । अध्ययनको सुचकका रुपमा सामाजिक सहयोग, भ्रष्टाचारको अवस्था, व्यक्तिगत स्वतन्त्रता तथा ग्राहस्थ उत्पादनलाई लिइएको थियो ।सन् २०१९ को अध्ययनअनुसार दक्षिण एसियामा पाकिस्तान तथा भुटानपछि तेस्रो खुसी हुने मुलुक बनेको थियो ।

अध्ययनका अनुसार यो पटक सबैभन्दा खुसी देशका रुपमा पहिलो स्थामा नर्डिन मुलुक फिनल्याण्ड बन्न सफल भएको छ । फिनल्याण्ड पश्चात् डेनमार्क, स्वीटजरल्यान्ड, आइसल्यान्ड, नेदरल्यान्ड्स, नर्वे, स्वीडेन, लक्जेम्बर्ग, न्यूजिल्यान्ड र अष्ट्रिया सबैभन्दा बढी खुसी हुने मुलुकमा रुपमा अटाएका छन् । त्यस्तै सार्क कै अर्को राष्ट्र अफ्गानिस्तान अन्तिममा छ ।

अफ्गानिस्तान सबैभन्दा बेखुसी मुलुक बनेको छ । नेपालको छिमेकी मुलुक भारत भने १ सय ४४ औं स्थानमा रहेको छ । यो पटक भारत नेपाल तथा बंगलादेशभन्दा बछाडि परेको छ । यता चीन भने नेपालभन्दा २ स्थान माथि रहेको छ ।