बाराको सिमरास्थित मालपोत कार्यालयका प्रमुख नायब सुब्बा मनोजकुमार खनाल र लेखापढी व्यवसायी बद्रीप्रसाद बडाल घुस सहित पक्राउ परेका छन् ।

काठमान्डौबाट अख्तियार दुरुपयोग अनुसन्धान आयोगको टोलीले खनाल र बडाललाई ६ लाख घुससहित अमलेखगञ्जस्थित जग्गा होटलबाट पक्राउ गरेको हो ।उनीहरुले सेवाग्राहीले खरिद गर्न लागेको जग्गा श्रम विभागबाट रोक्का छ भन्दै फुकुवा गराउने प्रक्रिया मिलाएबापत घुस मागेको अख्तियारका प्रवक्ता नारायण प्रसाद रिसाल जानकारी दिएकाछन् । शुक्रबार नियन्त्रणमा लिएका उनीहरुलाई अख्तियारले नियन्त्रणमा राखेर थप अनुसन्धान गरिरहेको छ ।