निरू थापाको चार गोलमा निरीह चौदण्डीगढी नगरपालिकाले महिला राष्ट्रिय लिगको १२ औ खेलमा‌पनि पराजित हुदा अंकको खाता नखोली लिग सकाएको छ।
राष्ट्रिय लिग भएपनि सो स्तरको टिम थिएन चौदण्डीगढीको र यो लिगभरि नै उसको प्रदर्शन उदेग लाग्दो रहयो। एकै खेलमा २२ गोल सम्म खाएको चौदण्डीगढीले लिगको अन्तिम खेलमा नेपाल प्रहरीसँग दश शुन्यको अर्को लज्जास्पद हार भोग्न बाध्य भयो। २९ मिनेटभित्रै चौदण्डीगढी चार शुन्यले पछि पर्यो। दुई पेनाल्टी सहित निरू थापाले तेस्रो, छैठौ, ११ औ र २९ औ मिनेटमा चार गोल गरिन। ३० औ मिनेटमा चौदण्डीगढीकी सुजाता राईले आत्मघाती गोल उपहार दिइन। गोलको वर्षात जारी रहदा निर्मला बिकले दुई गोल थप्दा पहिलो हाफमा नेपाल प्रहरीके सात शुन्यको अग्रता बनायो।

यसपछि ६१ औ मिनेटमा सुनकला राईले गोल गरिन भने ८६ औ मिनेटमा निर्मलाले ह्याट्रिक पुरा गरिन। इन्जुरी समयमा अमृता जैसीले अर्को एक गोल गर्दा नेपाल प्रहरीले दश शुन्यको सानदार जित निकाल्यो।‌

यो नेपाल प्रहरीको पाँचौ जित हो र १८ अंक सहित तेस्रो स्थानमा लिग पुरा गर्यो। चौदण्डीगढीले भने १२ खेलमा १२ मै हार बेहोर्यो र बिना अंक पुछारमा रहदै लिग साकायो। चौदण्डीगढीले १२ खेलमा मात्र चार गोल गर्यो भने १०७ गोल खायो।