नेकपा एमालेका अध्यक्ष केपी ओलीले आगामी निर्वाचनमा आफनो पार्टीसँग एक्लै लड्ने आँट कसैले गर्न नसक्ने दावी गरेका छन् । ललितपुरमा आयोजित पार्टीको कार्यक्रममा अध्यक्ष ओलीले एमालेसँग एक्लै चुनाव लड्न कुनै पनि राजनीतिक दलहरुले नसक्ने कुरा सबैलाई थाहा भएको दावी गरे । माधव नेपालले नयाँ पार्टी गठन गरेकोमा आक्रोश व्यक्त गर्दै अध्यक्ष ओलीले एक÷दुई वटा पात पहेँलिएर झर्दैमा रुखले चिन्ता मानेर बस्न नहुने बताए ।

अध्यक्ष ओलीले केही मान्छेले पार्टी छोडदैमा पिर नमान्न पनि पार्टीका नेता, कार्यकर्तालाई आश्वस्त पारे । अध्यक्ष ओलीले जनादेशबाट नभई विभिन्न जालझेल गरेर आफूहरुलाई सत्ताबाट हटाएको उल्लेख गर्दै आगामी निर्वाचनमा त्यसको जवाफ दिनेगरी तयारी गर्न कार्यकर्तालाई निर्देशन दिए ।

अध्यक्ष ओलीले विकास भनेको के हो ? भन्ने थाहा नै नभएकाहरु सत्तामा रहेको भन्दै प्रधानमन्त्री शेर बहादुर देउवाको आलोचना गरे ।