नेपालमा थप २ हजार ५ सय २५ जनामा कोरोना संक्रमण देखिएको छ । पछिल्लो २४ घण्टामा देशभर गरिएको ९ हजार ९ सय ९ पिसिआर परिक्षणका क्रममा १ हजार २० र ४ हजार ९ सय १ एन्टीजेन परिक्षणका क्रममा ५ सय ५ जनामा संक्रमण पुष्टि भएको हो ।

योसंगै नेपालमा कोरोना संक्रमित हुनेको कूल संख्या ८ लाख ३१ हजार ९ सय ६८ पुगेको छ । त्यस्तै कोरोनाका कारण पछिल्लो २४ घण्टामा ३५ जनाको मृत्यु भएको छ । योसँगै हालसम्म नेपालमा कोरोनाका कारण १० हजार ५ सय ६८ जनाले ज्यान गुमाएका छन् ।

त्यस्तै २४ घण्टामा थप दुई हजार ८६ संक्रमित कोरोनामुक्त हुँदा हालसम्म नेपालमा ७ लाख २ हजार १ सय ८३ जना संक्रमण मुक्त भएका छन् । हाल नेपालमा ३८ हजार २ सय ५० सक्रिय संक्रमित आइशोलेशन र ३९५ जना क्वारेन्टिनमा रहेका छन् । हालसम्म संक्रमण पहिचानका लागि ३८ लाख ४९ हजार ३ सय ४ वटा पिसिआर र ४ लाख ४० हजार ७८ वटा एन्टीजेन परिक्षण गरिएको स्वास्थ्य तथा जनसंख्या मन्त्रालयले जनाएको छ ।