नेकपा एमालेबाट अलग्गिएको माधव नेपाल समूहको पार्टी नाम परिवर्तन गर्दै नेकपा (एकिकृत समाजवादी्) प्रस्ताव गरिएको छ । नेपाल समूहले यसअघि नेकपा (एमाले समाजवादी) प्रस्ताव गरेर दल दर्ताको निवेदन दिएपनि अर्को दलसंँग मिल्दो नाम राख्न नमिल्ने भएपछि नेकपा (एकिकृत समाजवादी) प्रस्ताव गरिएको हो । पार्टीको चूनाव चिन्हका बारेमा भने अझै टुङ्गो लागेको छैन ।

शुक्रबार नै जसपाबाट बाहिरिएको महन्थ ठाकुर नेतृत्वको समूहले पनि दलको नाम ‘लोकतान्त्रिक समाजवादी पार्टी नेपाल’ प्रस्ताव गरेको छ । यसअघिको नाम जसपा नेपाल (लोकतान्त्रिक) अरु दल संग मिल्न गएकाले नयाँ नाम प्रस्ताब गरिएको हो ।

दल विभाजनसम्बन्धि अध्यादेश जारी भएपछि नेकपा एमाले र जनता समाजवादी पार्टी विभाजित भएर बुधबार नयाँ दल दर्ताको निवेदन आयोगमा परेको थियो ।