काठमाडौं उपत्यकामा बिहीबारदेखि राति आठ बजेपछि सवारी साधन चलाउन निषेध गरिएको छ । मंगलबार काठमाडौं उपत्यकाका तीनै जिल्लाका प्रमुख जिल्ला अधिकारीहरूको बैठकले राति ८ बजेपछि अतिआवश्यक बाहेकका सवारीसाधनहरू चलाउन निषेध गर्ने निर्णय गरेको हो ।

राति होटलमा गएर भेला भई खानपिन गर्नेको संख्यामा बृद्धि भएको भन्दै नीजि तथा सार्वजानिक सवारी साधनलाई राति आठ बजेपछि संचालनमा निषेध गरिएको हो । प्रमुख जिल्ला अधिकारीहरुको बैठकले उपत्यकामा भदौ ८ गतेसम्म निषेधाज्ञा थप गर्ने निर्णय गरेको छ । अहिले जारी निषेधाज्ञा भोलि बुधबार सकिँदैछ । निषेधाज्ञासम्बन्धी अन्य नियमहरु भने यथावत राखिएको छ ।