राष्ट्रिय परीक्षा बोर्डले माध्यामिक शिक्षा परिक्षा एसईईको नतिजा सार्वजनिक गरेको छ । शनिबार बसेको बोर्डको बैठकले विद्यालयले पठाएको आन्तरिक मूल्यांकनको आधारमा एसईईको नतिजा सार्वजनिक गरेको हो । परिक्षाका लागी ५ लाख १७ हजार १२२ जनाले रजिष्टे«शन फारम भरेकोमा ४ लाख ७४ हजार २ सय ७८ जना बिद्यार्थीहरुको नतिजाप्रमाणीकरण गरेर सार्वजनिक गरिएको बोर्डले जनाएको छ ।

एसइईको नतिजा डब्लु डब्लू डब्लू डट एसईई डट जिओभी डट एनपी अथवा डब्लू डब्लू डब्लू डट एलईबी डट जिओभी डट एनपीमा हेर्न सकिनेछ । यसैबीच, बोर्डले साउन ३१ गतेदेखि हुने भनिएको कक्षा १२ को परीक्षा स्थगित गरेको छ । कोरोना संक्रमितको संख्या बढ्दै गएका कारण परीक्षा सञ्चालन गर्न कठिनाइ उत्पन्न भएकाले स्थगित गरिएको बोर्डले जनाएको छ । पुनः हुने परीक्षा बारे १५ दिन अघि जानकारी दिने पनि बोर्डले जनाएको छ । यसअघि कोरोना संकट व्यवस्थापन केन्द्र (सीसीएमसी) ले कोरोना संक्रमण बढ्दै गएका कारण तत्काल परीक्षा गर्न नसकिने भन्दै बोर्डलाई परीक्षा स्थगित गर्न पत्राचार गरेको थियो ।