शुक्रराज ट्रपिकल तथा सरुवा रोग अस्पतालमा भीड बढेपछि स्वास्थ्य मन्त्रालयले आजवाट चार ठाँउवाट खोप कार्ड प्रमाणीकरण सुरु गरेको छ । मन्त्रालयले सरुवा रोग अस्पतालसहित निजामती अस्पताल, पाटन अस्पताल र बलम्बुस्थित सशस्त्र प्रहरीको अस्पतालमा खोप कार्ड प्रमाणीकरण सुरु गरेको हो ।

चारवटै ठाँउवाट निःशुल्क रुपमा खोप कार्ड प्रमाणीकरण हुने स्वास्थ्य मन्त्रालयले जनाएको छ । विदेश जाने नागरिकहरु अहिले खोप कार्ड प्रमाणीकरण अनिवार्य भएपछि केही दिनदेखि टेकु अस्पतालमा भिड जम्मा भएको थियो । प्रमाणपत्र लिन बुधबारबाट टेकु अस्पताल परिसरमा वैदेशिक रोजगारमा जानेहरूको भीड लाग्न थालेको थियो ।

कोभिडको समयमा पनि म्यानपावर कम्पनीले गत आर्थिक वर्षमा ९२ हजार जनाको श्रम स्वीकृति लिएका छन । तिमध्ये २८ हजार जना विदेश जान बाँकी रहेको सरकारी तथ्यांक छ । कामदार लैजान खुला भएका देशमा खोपको आधिकारिक पत्र बोकेर आउने कामदारले क्वारेन्टिनमा बस्नुनपर्ने नियम छ ।