नेपाली कांग्रेसका महामन्त्री शंशाक कोइरालाले पार्टीको आगामी नेतृत्व दोश्रो पुस्ताका नेताले गर्ने बताएका छन् । उनले अबको नेतृत्व आफु, बिमलेन्द्र निधि र प्रकाशमान सिंह मध्ये एक जनाले लिने उद्घोष गरे । महामन्त्री कोइरालाले पार्टी सभापति शेर बहादुर देउवा र वरिष्ठ नेता रामचन्द्र पौडेलले अभिभावकत्वको भूमिका निर्वाह गर्नुपर्ने भन्दै नेताद्वयलाई आफुले त्यस किसिमको भूमिकाका लागि आग्रह गर्ने बताए ।

महामन्त्री कोइरालाले यो महिना भित्र क्रियाशिल सदस्यता टुंगो लगाउन सकिएन भने तोकिएको समयमा महाधिवेशन हुँदैन कि भन्ने शंका उब्जने बताए । उनले अहिले नै तोकिएको समयमा महाधिवेशन हुन्छ कि हुँदैन भन्न सक्ने अवस्था नरहेको बताए ।

कोइरालाले आफ्नो एजेण्डा भनेको पार्टीलाई एकजुट बनाउने भएको बताउदै कांग्रेस गुट उपगुटका कारण संकटमा पर्न लागेको बताए । विधि र विधान अनुसार पार्टी संचालन गर्ने आफ्नो एजेण्डा भएको महामन्त्री कोइरालाले बताए ।