नेपालमा आइतबार थप १ हजार ६ सय ३ जनामा कोरोना पुष्टि भएको छ । देशभर गरिएको ४ हजार ८ सय ७८ पिसिआर परिक्षणका क्रममा १ हजार ४२ र ३ हजार २ सय ५६ एन्टीजेन परिक्षणका क्रममा थप ५६१ जनामा कोरोना पुष्टि भएको स्वास्थ्य मन्त्रालयले जनाएो छ ।

यो संगै नेपालमा कोरोना संक्रमितको संख्या ६ लाख ८२ हजार ७३९ पुगेको छ । त्यस्तै कोरोनाका कारण थप २७ जनाको मृत्यु भएको छ । हालसम्म नेपालमा ९ हजार २ सय २५ जनाले कोरोनाक कारण ज्यान गुमाएका छन् । मन्त्रालयका अनुसार थप २ हजार ५ सय ५२ संक्रमित निको हुँदा हालसम्म नेपालमा ६ लाख ९ हजार २ सय १८ जना कोरोनामुक्त भएका छन् ।

हालसम्म नेपालमा ३३ लाख ६८ हजार ५४२ वटा पिरिआर र २ लाख ४ हजार २ सय ४८ वटा एन्टीजेन परिक्षण गरिएको मन्त्रालयले जनाएको छ ।