नेपालमा कोरोना संक्रमितको संख्या फेरि बढ्न थालेको छ । पछिल्लो केहीदिन देखि संक्रमितको संख्यामा लगातार वृद्धि भइरहेको छ । एक दिनमा दुई हजारभन्दा तल घटेको संक्रमितको संख्या अहिले फेरि तीन हजारको हाराहारीमा पुगेको छ । पछिल्लो २४ घण्टामा २ हजार ८ सय ९२ संक्रमित थपिएका छन् ।

७ हजार १ सय ८७ जनामा गरिएको पीसीआर परीक्षणमा १८ सय ८९ जना र ४ हजार ३ सय ८१ जनामा गरिएको एन्टिजेन परीक्षणमा १ हजार ३ जना गरी २ हजार ८ सय ९२ जनामा संक्रमण पुष्टि भएको हो । यो संख्या मंगलबार संक्रमण पुष्टि भएको २५६ जनाले बढी हो । त्यस्तै सोमबार २ हजार ४ सय ४४ जना र आइतबार १ हजार ९ सय २० जनामा संक्रमण पुष्टि भएको थियो ।

कोरोना संक्रमणका कारण पछिल्लो २४ घण्टामा ४१ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ९ हजार १ सय १२ पुगेको छ । पछिल्लो २४ घण्टामा कोरोना संक्रमणमुक्त हुनेको संख्या ३५९७ रहेको छ । हाल देशभर सक्रिय संक्रमितको संख्या ३३ हजार ५६१ रहेको छ । जसमध्ये ३० हजार ५४४ जना होम आइसोलेसनमा र ३०१७ जना संस्थागत आइसोलेसनमा छन् । पछिल्लो २४ घण्टामा काठमाडौं उपत्यकामा ५७२ जना संक्रमित भेटिएका छन् । जसमध्ये काठमाडौं जिल्लामा ४३६, ललितपुरमा १८९ र भक्तपुरमा ४७ जना छन् ।।