सर्लाहीको इश्वरपुर नगरपालिका वडा नम्बर–३ का वडाध्यक्ष सुर्य कुमार श्रेष्ठको हत्यामा सोही वडाका ठेकेदार प्रेमराज दाहालको संलग्नता रहेको आरोप लगाइएको छ । मृतकका छोरा सुमन श्रेष्ठले हिजो राती खाजा खान घरबाट फोन गरेर बोलाएर निर्घात कुटपिट गरि जेसिबिले किचेर बुबाको हत्या गरेको आरोप लगाएका ह्ुन् । उनले घटनाको निष्पक्ष अनुसन्धान हुुनुपर्ने र ठेकेदारलाइ हदैसम्मको कारवाही हुनुपर्ने माग गरेका छन् ।

घटनाबारे सूचना पाएलगतै सर्लाहीका प्रहरी निरीक्षक कृष्ण गिरीले सुक्ष्म अनुसंन्धान गरिरहेको बताएका छन् । घटनामा सलग्न ठेकेदार तथा जेसिबि धनी प्रेमराज दहालसहित चालक रविन भन्ने हर्कबहादुर तामांगलाई नियन्त्रणमा लिएर थप छानबिन गरिरहेको गिरीले जानकारी दिए ।

श्रेष्ठका आफन्तका अनुसार ईश्वरपुर नगरपालिकाका मेयर मनोज देवकोटा र ठेकेदार प्रेमराज दहालसंग विगत केहिदिन देखि श्रेष्ठको पटक–पटक विवाद हुदै आएको थियो । पछिल्लो रिसिबीका कारण मेयर देवकोटाको इशारामा वडाअध्यक्ष श्रेष्ठको हत्या भएको मृतकका भाई ओमप्रकाश श्रेष्ठले आरोप लगाएका छन् । हाल मृतक श्रेष्ठको सवलाई पोष्टमार्टम गरि दाहसंस्कारका लागि आफन्तलाई जिम्मा लगाउने काम भईरहेको प्रहरीले जनाएको छ । ईश्वरपुर नगरपालिकाका मेयर मनोज देवकोटासंग घटनाबारे जानकारी लिन खोज्दा सम्पर्क ह्ुन नसकेको बताइएको छ ।