रौतहटको मौलापुरमा खेतमा पानी लगाउने विषयलाई लिएर दुई पक्षबीच झडप हुँदा १५ जना घाइते भएका छन् । घाइते मध्ये ५५ वर्षीया नैना देवि र ३५ वर्षिया अन्जु देविको अवस्था गम्भीर रहेको छ । घाइतेहरुको मौलापुरमै रहेको क्लिनिकमा उपचार भइरहेको छ ।

मौलापुर नगरपालिका–१ स्थित मर्यादपुरमा मुलावी साहले हृदय यादवको खेतमा पानी लगाइदिएपछि विवाद हुँदा झडप भएको जिल्ला प्रहरी कार्यालय रौतहटका एसपी सिद्धिविक्रम शाहले जानकारी दिए ।

एसपी शाहका अनुसार साह पक्षका ८ जना र यादव पक्षका ७ जना घाइते भएका हुन् । घाइतेहरु खतरामुक्त रहेको पनि एसपी शाहले बताए । झडपका कारण मर्यादपुर केही समय तनावग्रस्त बनेको थियो । घटनास्थलमा अहिले थप सुरक्षाकर्मी परिचालन गरिएको छ ।