नेपालमा पछिल्लो २४ घण्टामा दुई हजार ४ सय ७ जनामा कोराना संक्रमण पुष्टि भएको छ । यो अवधिमा कोरोना संक्रमणका कारण ४६ जनाको मृत्यु पुष्टि भएको छ । १२ हजार ४ सय ६ नमुनाको परीक्षण गर्दा दुई हजार ४ सय ७ जनामा संक्रमण देखिएको हो । नेपालमा आजसम्म कोरोना संक्रमणका कारण मृत्यु हुनेको संख्या आठ हजार ४ सय १२ पुगेको छ ।

त्यस्तै, पछिल्लो २४ घण्टामा तीन हजार ९ सय ९४ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । जसमध्ये काठमाडौं उपत्यकामा ६ सय ५३ जना संक्रमित थपिएका छन् । देशभर हाल ६८ हजार ९ सय ५५ जना सक्रिय संक्रमित रहेको मन्त्रालयले जनाएको छ । जसमध्ये ५ हजार २ सय ११ जनाको विभिन्न अस्पतालहरुमा उपचार भइरहेको छ ।

यीमध्ये १ हजार १ सय जनाको सघन कक्षमा उपचार भइरहेको छ । सघन कक्षकामध्ये ३४७ जना भेन्टिलेटर सहायतामा छन् । हालसम्म ५ लाख ३१ हजार १ सय ५ जना कोरोनाबाट निको भएका छन् । हालसम्म पिसिआर र एन्टिजेन गरी ३३ लाख २२ हजार ५ सय ५४ जनाको नमुना परीक्षण भएको छ । जसमध्ये पिसिआरबाट ३२ लाख १४ हजार ७२५ जनाको परीक्षण भएको हो ।