जनकपुर जयनगर रेल सेवा चैत्र १९ गतेदेखि सञ्चालनमा आउने भएको छ । बहुप्रतिक्षित देशको एक मात्र रेल सेवा प्रधानमन्त्री शेरबहादुर देउवाको भारत भ्रमणका क्रममा उदघाटन गर्न लागिएको हो । भर्चुअल माध्यमवाट रेल सेवाको प्रधानमन्त्री शेरबहादुर देउवा र भारतीय समकक्षी नरेन्द्र मोदीले संयुक्तरूपमा उदघाटन हुने तय भएको नेपाल रेल्वे कम्पनीले जनाएको छ ।

३४ किलोमिटर जनकपुर–कुर्था–जयनगरसम्म सामान्यतर्फ प्रतियात्रु ७० रुपैयाँ र वातानुकुलित एसी सिटमा तीन सय रुपैयाँ भाडा निर्धारण गरिएको छ । जयनगर–जनकपुर–कुर्था रेल फागुनयता यात्रु बिना चलाइदै भएको छ । केही दिनअघि राष्ट्रपति विद्यादेवी भण्डारीले रेल्वे अध्यादेश पुनः जारी गरेपछि रेल सञ्चालनको बाटो खुलेको थियो ।