नेकपा एमालेका अध्यक्ष केपी ओलीले पार्टी छाडेर गएकाहरुलाई पिलोको संज्ञा दिएका छन् । उदयपुर एमालेले सदरमुकाम गाइघाटमा गरेको सभालाई सम्बोधन गर्दै अध्यक्ष ओलीले पार्टी पार्टी छाडेर गएकालाई बैशाख ३० गतेको निर्वाचनमा झोलमा डुबाइदिने दाबी पनि गरे ।

एमाले केही समयको लागि मात्र सरकारबाट अलग भएको भन्दै अध्यक्ष ओलीले अबको निर्वाचनबाट एमाले सरकारमा आउने भन्दै कार्यकर्तामा उत्साह भरे । उनले सरकारबाट हट्नुपरेकोमा भने यहाँ पनि गुनासो दाहो¥याए ।

अध्यक्ष ओलीले विकासको अभियानलाई अगाडी बढाउन र देशलाई छोटो समयमा समृद्ध बनाउन एमालेले निर्वाचन जित्नुपर्ने तर्क पनि गरे ।