नेकपा (माओबादी केन्द्र)का अध्यक्ष पुष्पकमल दाहालले सहमति ,सहकार्य र एकताबाटै देशको भलो हुने बताएका छन्। चितवनको भरतपुर महानगरपालिकामा प्रशासकीय भवनको शिलान्यास गर्ने क्रममा उनले यस्तो बताएका हुन्।

बर्तमान निर्वाचनलाई लिएर कांग्रेसका स्थानीय नेताहरुको अभिव्यक्तिलाई लक्षित गर्दै उनले आ आफ्नै ढंगबाट अगाडि बढ्दा गन्तव्यमा नपुगिने जिकिर गरेका हुन् । उनले पूर्वप्रधानमन्त्री स्वर्गीय गिरिजाप्रसाद कोईरालालाइ स्मरण गर्दै सहमति ,सहकार्य र एकता भनिरहेका कारण शान्तिसम्झौता भएको उल्लेख गरे। आ आफ्नै ढंगबाट चलेको भए संघियता,गणतन्त्र ,धर्म निरिपेक्षता जस्ता बिषयमा पुग्न नसकिने उनले बताए ।

चितवन ३ नं क्षेत्रका जनप्रतिनिधि समेत रहेका दाहालले भरतपुर महानगरले ४ बर्षमा गरेका कामले भरतपुर देशको उत्कृष्ट नगरका रुपमा परिचित भएको दावी समेत गरे। चितवनको बिकासले केन्द्र सरकारले पनि बजेटमा प्राथमिकता दिएको उनको दाबी थियो ।