एमसीसी सम्झौता संसदमा पेश गरेको विरोधमा शुक्रबार पनि काठमाडौंमा प्रदर्शन भएको छ । एमसीसी राष्ट्रहितमा नभएको भन्दै विभिन्न राजनीतिक दल र तिनका भ्रातृ संगठनहरुले विरोध प्रदर्शन गरेका हु्न्।

एमसीसी सम्झौता संसदमा पेश गरेपपछि सडक आन्दोलन थप चर्किदै गएको छ । संघीय संसद अघि नयाँ बानेश्वरमा विभिन्न दल र तिनको भातृसंगठनले विरोध प्रदर्शन गरेका छन् । उनीहरुले एमसीसी राष्ट्रहितको विपरित भएको भन्दैै सडकमा शुक्रबार पनि चर्काे नाराबाजी गरेका हुन् ।

एमसीसीको विषयले राजधानी काठमाडौैका माइतीघर, बबरमहल, नयाँ बानेश्वर र मीनभवन क्षेत्रमा प्रदर्शन भएको छ । एमसीसीको विरुद्धमा माइतीघर मण्डलादेखि नयाँबानेश्वर सम्म ¥यालीसहित प्रदर्शन गरिएको छ । यस अगाडि भएको प्रर्दशनभन्दा आजको प्रदर्शन भने केही संयमित थियो । प्रदर्शनकारीहरुले नाराबाजी गर्दे संंयमताका साथ प्रदर्शन गरेका थिए ।

प्रदर्शनमा नेकपा माओवादी केन्द्र, नेकपा एकीकृत समाजवादी, नेकपा, नेकपा–क्रान्तिकारी माओवादीलगायत विभिन्न पार्टीका नेता तथा कार्यकर्ता सहभागी थिए । सरकारले यही फागुन ८ गते एमसीसी छलफलका लागि संसदमा पेश गरिसकेको छ । सत्तारुढ दलहरु नै एमसीसीको विषयमा पक्ष र विपक्षमा उभिएका छन् । एमसीसी यथास्थितिमा पास गर्नु नहुने भन्दै सत्तारुढ दल माओवादी केन्द्र र एकीकृत समाजवादीका भ्रातृ संगठनले एमसीसी विरुद्ध आन्दोलन गर्दै आएका छन् ।