बाजुराको बुढीगंगा नगरपालिकामा जनप्रतिनिधिहरुको लापरवाहीका कारण नगरबासी हैरान बनेका छन् । नगरपालिकामा ३ महिना वित्न लाग्दा समेत प्रमुख प्रशासकीय अधिकृत नहुँदा नगरबासी आक्रोसित बनेका छन् ।

बाजुराको बुढीगंगा नगरपालिकामा प्रमुख कार्यकारी अधिकृत नहुँदा सास्ती वेहोरेका छन् । स्थानीयहरुले कार्यकारीको माग गर्दै चार दिन देखि नगरपालिकाको कार्यालयमा तालाबन्दी गरेका छन् । नगरबासीका समस्याको समाधान नहुँदासम्म नगरपालिकामा तालावन्दी जारी राख्ने नगरबासीको भनाई छ ।

यस अघिका प्रमुख प्रशासकीय अधिकृत प्रेमकाजी महर्जनको सरुवा भएपछि नगरपालिकामा आर्थिक कारोबार ३ महिनादेखि ठप्प रहेको छ ।

यता नगर प्रमुख दिपक बिक्रम शाह भने नगरपालिकामा कार्यकारी अधिकृतको समस्याको समाधान नगरेर यूरोप भ्रमणमा निस्किएका छन् । बुढिगंगा नगरबासीले यो समस्या यस अघि पनि झेल्दै आएका थिए तर स्थानीयले यस पटक भने आन्दोलन गर्न र तालाबन्दी गर्न बाध्य भएका छन् ।