अमेरिकाले मिलेनियम च्यालेन्ज कर्पोरेशन ‘एमसीसी’संगको सम्झौता फागुन सो¥ह भित्र संसदबाट अनुमोदन नभए अमेरिका–नेपाल सम्बन्ध प्रभावित हुने चेतावनी पुनः दिएको छ । अमेरिकी विदेश मन्त्रालयका प्रवक्ताले भारतीय पत्रिका हिन्दूस्तान टाइम्ससँगको कुराकानीमा सम्झौता अनुमोदन नभए त्यसले द्विपक्षीय कुटनीतिक सम्बन्धमा प्रभाव पर्ने बताएका हुन ।

बाह्य मुलुकको प्रभाव र भ्रष्टाचारका कारण एमसीसी सम्झौता संसदबाट अनुमोदन हुन नसकेको भए त्यो अमेरिकाका लागि निकै दुःखदायी र नेपाली जनताका लागि यो क्षतिको विषय हुने प्रवक्ताको भनाइ छ । उनले एमसीसी सहयोग परियोजना संसदबाट अनुमोदन गर्ने वा नगर्ने नेपालको स्वेच्छिक र सार्वभौम निर्णयको कुरा भएको पनि उल्लेख गरेका छन । उनले फागुन १६ भित्र एमसीसी सम्झौता अनुमोदन गर्न नेपाललाई पत्रमार्फत अमेरिकाले आग्रह गरिसकेको पनि बताएका छन । सो अवधिभित्र नेपालले एमसीसी अनुमोदन गर्ने वा अस्वीकार गर्ने निर्णय लिनुपर्ने उनको भनाए छ ।