कोरोना संक्रमणको तेस्रो लहर ओमिक्रोन संक्रमणका बीच पनि रोजगारीका लागि विदेश जानेको संख्या बढेको छ । गत पुस महिना मात्र वैदेशिक रोजगारीमा जानका लागि ६६ हजारले श्रम स्वीकृति लिएका छन् ।

नेपालमा कोरोना संक्रमणको तेस्रो लहर फैलदा पनि वैदेशिक रोजगारीका लागि विदेश जानेको संख्या बढेको छ । विगतमा कोरोना महामारीका कारण निकै असर परेको वैदेशिक रोजगारीमा यसपटकको ओमिक्रोन संक्रमणमा भने खासै असर नपारेको वैदेशिक रोजगार विभागको तथ्याङ्कले देखाएको छ ।

गत पुस महिनामा मात्र नयाँ श्रम स्वीकृती लिई करिब ३६ हजार नेपाली रोजगारीका लागि विदेशिएका छन् । यो संख्या गत आर्थिक वर्षको वैशाखदेखि पुससम्मको भन्दा बढी रहेको छ । गत आर्थिक वर्षको यही अवधिको छ महिनामा ३० हजार मात्र वैदेशिक रोजगारीका लागि विदेशी दिए । तर चालू आर्थिक वर्षको वैशाखदेखि पुससम्मको ६ महिनामा रोजगारीका लागि तीन लाख १० विदेशिएका छन् ।

नेपालमा विदेशमा कामदार पठाउनका लागि ८६० वटा वैदेशिक रोजगार कम्पनी दर्ता भएका छन् । यी कम्पनीहरुले श्रम स्वीकृति लिएरै विदेश पठाएका श्रमिकहरुबाट पनि विभिन्न गुनासोहरु आउने गरेका छन् । दैनिकजसो १० वटा कम्पनीबाट पठाएका श्रमिकहरुको गुनासो आउने गरेको विभागले जनाएको छ । विना श्रम स्वीकृति लिएर वैदेशिक रोजगारमा जानेको सँख्या पनि निकै रहेको छ । वैदेशिक रोजगारमा जानेको संख्या बढे पनि भनेअनुसार काम नपाउने समस्याले श्रमिकहरु मारमा परेका छन् ।