शिक्षा विज्ञान तथा प्रविधिमन्त्री देवेन्द्र पौडेलले काठमाडौं मेडिकल कलेजको समस्या समाधानका लागि तन्काल वार्ता गर्न निर्देशन दिएका छन । मन्त्री पौडेलेले मेडिकल कलेजले चिकित्सा शिक्षा आयोगले तोकेका भन्दा बढी शुल्क लिएको उजुरीपछि कलेजको अनुगमन गर्दै सो निर्देशन दिएका हुन । उनले विद्यार्थी प्रतिनिधिहरुसँग वार्ता गरेर तत्काल समस्याको समाधान गरी कक्षा सञ्चालन गर्न र शिक्षा आयोगले तोके भन्दा बढी शुल्क लिएको पाएमा ऐन अनुसार कारबाही गर्न चेतावनी समेत दिए ।

कलेजका प्रधानाचार्य रतिन्द्रनाथ श्रेष्ठले कलेजले चिकित्सा शिक्षा आयोगको ऐनअनुसार काम गरेको दावी गरे ।प्रधानाचार्य श्रेष्ठले ६० हजार महिनाको एमबीबीएसको शुल्क तिर्न कन्जुस्याइं गरे संस्था सञ्चालन नै गर्न नसकिने बताए ।