भारतको पञ्जाबमा अदालतभित्र बम विस्फोट भएको छ । लुधियाना शहरमा अवस्थित अदालतभित्र बम विस्फोट हुँदा दुईजनाको मृत्यु भएको छ भने कैयौँ व्यक्ति घाइते भएका छन् । अदालत परिसरको दोस्रो तलामा विस्फोट भएको हो ।

विस्फोटबाट अदालत भवनको भित्ता भत्किएको छ । अदालत परिसरको शौचालयमा बम विस्फोट गराइएको थियो । विस्फोटपछि अदालत परिसर अस्तव्यस्त भएको छ । विस्फोट कसले गराएको भन्ने बारेमा केही खुलाइएको छैन। घटनाबारे प्रहरीले थप अनुसन्धान गरिरहेको छ ।