कृषि तथा पशुपंक्षी विकास मन्त्री महिन्द्रराय यादवले कृषकका मागअनुसार रासायनिक मल उपलब्ध गराउन नसक्ने बताएका छन् । अन्तर्राष्ट्रिय बजारमै रासायनिक मल अभाव भएको उल्लेख गर्दै मन्त्री यादवले मागअनुसार उपलब्ध गराउन नसक्ने स्पष्ट पारेका हुन । बुधवार आयोजित कार्यक्रममा मन्त्री यादवले सरकारले जीटूजी माध्यमबाट मल खरिदका लागि प्रयास गरे पनि कुनै पनि देश त्यसका तयार नभएको बताए । मन्त्री यादवले रासायनिक मलको विकल्प प्रांगारिक मल भएकाले त्यसतर्फ लाग्नुपर्नेमा जोड दिए ।

मन्त्री यादवले पछिल्लो समय नेपालमा पशुसेवा र कृषिमा नागरिकहरुको आकर्षण बढीरहेको भन्दै कृषिलाई आत्मनिर्भर बनाउनु पर्ने बताए । मन्त्री यादवले पशु चिकित्सकहरुले सरकारबाट पाउनुपर्ने कानूनि सुविधा उपलब्ध गराउन मन्त्रालयले पहल गर्ने पनि आश्वासन दिए ।