नेकपा एमालेका अध्यक्ष केपी ओलीले सर्वोच्च अदालतमा भइरहेको आन्दोलनलाई पाँच दलीय छटपटीको संज्ञा दिएका छन् । काठमाडौंमा आयोजित साइबर सर्कलको घोषणा कार्यक्रममा ओलीले बिषय सर्वोच्च अदालतको भए पनि सत्तारुढ पाँच दलको छटपटी भएको टिप्पणी गरेका हुन् ।

ओलीले अदालतमा देखिएको आन्दोलन एमालेमाथि प्रहार गरिएको ब्रम्हास्त्र फर्किएर पाँच दलका नेताको टाउकोमा लागेको बताए । उनले न्यायिक क्षेत्रमा क्यान्सर भइसकेको तर धामीमार्फत उपचार खोजिएको टिप्पणी समेत गरे ।

ओलीले माओवादीले ‘महान जनयुद्ध’ भनेर युवाहरूलाई ठगेको आरोप लगाए । माओवादी नेताले जनताका छोराछोरीलाई युद्धमा होमेर आफ्ना सन्तानलाई विदेशमा पढाएको उनको भनाई छ ।अध्यक्ष ओलीले अब एमालेले कसैसँग एकता र एकीकरण नगर्ने समेत बताए ।